Ingurugelen sarea IHITZA ingurumen-hezkuntzarako aldizkaria Eskolako agenda 21 Kontsumo jasangarria eskoletan Ingurumen, lurralde Plangintza, Nekazaritza eta Arrantza Saila. Ingurumen-hezkuntza

Ingurugelak

Zer dira Ingurugelak?

Irakasleei eta ikastetxeei sustatzeko ekipamendu publikoen sarea da. Unibertsitateaz kanpoko hezkuntza-sisteman ingurumen hezkuntzako planak eta programak koordinatzen dituzte.

CEIDA izenarekin sortu zituzten Hezkuntza, Hizkuntza Politika eta Kultura Sailak eta Hirigintza, Etxebizitza eta Ingurugiro Sailak, irailako 19 2002/1989 Dekretua ren bidez. Dekretu horrek Euskal Autonomi Elkarteko Ingurugiroarekiko Irakasbideen Hezkuntza eta Ikerketarako Ikastegi-en sortze eta ihardutze-modua araupetzen ditu.

Ondoren, Ingurugela izena hartu zuten Hezkuntza, Unibertsitate eta Ikerketa eta Lurralde Antolamendu eta Ingurumen sailburuen 2005eko martxoaren 16ko Aginduaren bidez.

Zientzuk dira eta non daude

INGURUGELA zentroen liburutegiak

INGURUGELA zentroen liburutegien xedea da irakasle eta ingurumena edo ingurumen-hezkuntzan interesaturik dagoen edozein pestsonaren eskuetan jartzea burutzen dituzten ingurumen-hezkuntza eta ikerketako proiektuetan lagungarri izan daitezken baliabide bibliografikoak.

Gure jasotzaile nagusiak Euskal Autonomia Erkidegoko ikastetxeen irakasleak dira, hala ere sarbidea eta erabilpena publiko eta dohakoa izanik, bestelako erabiltzaile mota desberdinei zabalik gaude ere (ikasleak, ingurumenarekiko enpresen langilei, talde ekologistei,…).

Funtsa oso anitza da, monografiak, bideoak VHS eta DVD formatoetan, baliabide elektronikoak, kartografia, kartelak eta hormirudiak, erakusketa ibiltariak eta aldizkariak.

Liburutegiek eskeinitutako zerbitzuak

• KONTSULTA ARETOAN: Funts dokumentalen katalogoa irakurketa gelan kontsulta daiteke ordenagailu baten bidez edota zentroko pertsonen aholkularitza pertsonalizatua. Era berean, web honen bitartez kontsulta on-line egin daiteke ere.
• INFORMAZIO BIBLIOGRAFIKOA: Erabiltzaileak eskatu eta liburutegiak ez badu, liburutegiak eskueran dituen baliabideekin bilatuko da.
• MAILEGUA: Liburutegi hauek mailegu zerbitzua dute momentuan dohainik luzatzen den karneta aurkezten. Mailegutik at daude katalogoan horrela agertzen diren lanak (erreferentziazkoak, argitalpen seriatuak,…).
  
  Momentuz, mailegua egiteko bertaratu behar da baina epe laburrean katalogo on-lineren bitartez egiteko asmoa dugu, materialak postaz bidaltzen eta itzultzen.
  
  Erabiltzaile bakoitzak bost dokumentu har ditzake maileguan 21 egunetan, epe hau luza daiteke baldin eta beste erabiltzaile batek ez badu dokumentu hori eskatu. Gaur egun posiblea da katalogo on-linetik erreserbak egin.
• ERREPROGRAFIA ZERBITZUA: Liburutegian badago fotokopiagailua bertako agiriak kopiatzeko, kontuan izanik beti indarrean dagoen legeria.

Irakasleen etengabeko prestakuntza eta ikastetxeetako proiektuak garatzeko aholkularitza

Ingurugiro-hezkuntza ikastetxeetan integratzeak ondorio nabarmenak eragiten ditu; horrela, besteak beste, ikastetxeko hezkuntza-giroa aldatzen da, ingurua hobetzen da eta hezkuntza- zein antolaketa-agiri guztietan (Ikastetxearen Hezkuntza Proiektua, Ikastetxearen Curriculum Proiektua, Antolaketako eta Funtzionamenduko Araudia, ikasgelako programazioa) jasotako curriculumeko erabakietan ingurugiro-ikuspegia sartzen da. Eginkizun horretan, ikastetxeetan hainbat zalantza sortzen dira eta INGURUGELA-ceidak lagundu egiten die irakasleei ingurugiro-hezkuntzako jardueretako zalantzak argitzen.

Halaber, ikastetxeen proiektu batzuek Eusko Jaurlaritzaren diru-laguntzak jasotzen dituzte, ingurugiro-hezkuntzaren arloan ikerketak eta esperimentazioak diruz laguntzeko lerroen bidez, eta INGURUGELA-ceidak lagundu egiten diete ikastetxeei proiektu horiek gauzatzen eta segimendua egiten die.

Curriculumetarako materialak prestatzea

Ingurugelek Ingurumen-hezkuntzarekin lotutako baliabide didaktiko eta curriculumetarako materialen diseinu, laboraketa eta zabalpenean hartu dute parte.

Eskola ekologikoa eta ekoikuskapena kanpainak

"Eskola Ekologikoa" proiektuak hainbat ondorio eragiten ditu ikastetxeetan: curriculumean eta eguneroko bizitzan (leku fisikoa; antolaketa eta funtzionamendua; komunikazioa eta pertsonen arteko harremanak) geure tokiko eta munduko inguruarekiko errespetua sartzea, ingurugiroa eta bere baliabideak behar bezala erabiltzen ikastea eta gure ingurugiro-eragina mugatzea. Horretarako, beharrezkoa da hezkuntza-komunitateko estamentu guztien (familiak, udalak, ikasleak, irakasleak eta langile ez-irakasleak) ardurakidetza ikastetxearen eta bere inguruaren ingurugiro-kalitatea hobetzeko.

Ingurugela-CEIDAk laguntza ematen die ikastetxeei, ingurugiro-hezkuntzako helburuak lortzeko bidean abian jartzen diren proiektuetan koherenteagoak izan daitezen; batik bat, material didaktikoak, aholkularitza eta estrategiak ematen dizkie.

Ildo horretan, ingurugela-CEIDA ikastegiek "Ekologia eskolara" kanpainak bultzatu dituzte, Euskal Herriko zenbait udalekin batera, eta baita "Eco-Schools" nazioarteko kanpaina ere.

AZTERTU programa: Ibaialde eta Azterkosta

AZTERTU Ingurumen Hezkuntzako programa bat da eta bere xede nagusia jendea ingurumena zaintzearen garrantziaz ohartaraztea da, ingurua ezagutzera emanez eta parte hartzea bultzatuz. AZTERTU programaren bultzatzaile nagusia Eusko Jaurlaritzako Ingurumen, Lurralde Plangintza, Nekazaritza eta Arrantza Saila da eta bi kanpaina biltzen dira programaren barruan: AZTERKOSTA eta ibaialde.

Bi kanpaina horiek inguru desberdinetan burutzen dira: AZTERKOSTA itsasertzean eta ibaialde gure ibaietan. Baina bien xede nagusia inguruaren alde heztea da eta, horregatik, bi kanpainen bidez ingurumenaren balore eta arazoak jendeari hurbilarazi nahi zaizkio. Horretarako, giza talde askorengana iritsi nahi dute: ikasleengana, aisialdiko taldeengana, kirol taldeengana, elkarte ekologistengana, auzo elkarteengana eta abar. Asmoa zera da: talde horiek guztiak euren ingurua aldatzeko eta hobetzeko prozesuetan sartzea.

Legeria Ingurugelen zereginak

© Ingurugelak Bilbo · Ondarroa, 2. A.C. 4015, 48004 Bilbao · Tel: 944031870 · Fax: